下次是三個月後 到時至算~吧
昨晚好晚好晚的時候 同soso決定今日去睇我期待很久的<海角七號>
買好票就去找soso食飯先 嘩!唔係我誇張同大驚小怪呀
因為有新樓盤開售... 成個新元朗中心迫爆晒個d經紀!! 好x多人~
我地已經冇時間架喇 重要去避開個d經紀
坐輕鐵落大棠路搵so小姐 去番上次我地去過既一間日本野
冇試田中啦 邊有時間等位呀~
個牛肉粒飯好好吃 好貼心既係重有飯後甜點雪糕糯米糍食
點知返去個時 我地都唔知原來大棠個輕鐵站來回方向既月台完全唔同位...
跑到上氣唔接下氣~ soso好耐冇搭過輕鐵啦~
哈 ~我如果唔係係呢邊返工 都真係唔會搭law
好在都趕得切個開場(不過又係要避開d阿哥阿姐)
套戲真係好台灣本土文化同埋小成本製作
因為佢d特技真係幾oshi~哈哈 同埋唔明點解o個個位要加特技?!
亦都唔好用愛情片角度去睇
因為阿嘉同友子既感情線節奏跳得比較快
演唱會呢段真係好好睇!
套戲最感動既係每一個生活既小人物都係主角
大家都好辛勤 為某件事 努力地生活著
好記得有一節係喜宴後樂團d團員響海邊個幕
感覺個氣氛應該係放男女主角個d背景
但就放左一班阿叔阿伯同細路仔向到 反而感覺好型!
冇靚人靚影什麼大班底 寫實手法都可以好舒服
無論背影音樂同d歌都好好聽
氣氛好舒服~~ 投入感十足呀~我~ 哈哈
就當係一套小品來看吧~ 見到影評d人話極差什麼的...
咁你到底想從一套2小時的電影裡得到什麼呢? 呢d野見人見志架姐!
想睇就睇呀!
當阿嘉說「留下來，或是，我跟你走。」時，想到一個人。
你們真的很像。
睇完~ 同左d麥嘜 麥兜影相 遇到鬼馬的小妹妹呀!!
it is so cute~ 可惜已經熄左燈
呢個小妹妹唔知點解好like依個手勢 比佢媽咪話佢好似撩鼻哥~~哈哈
哈哈~最後要些些阿so你陪我看啦! 我好開心呀!!
由奇我知道你真係好鬼死唔鍾意范逸臣啦~
登~登~
沒有留言:
張貼留言